Saturday, November 28, 2015

ਚਲੋ ਕੋਈ ਗੱਲ ਕਰੋ...

ਗ਼ਰੂਰ ਤੋੜੀਏ ਚੁੱਪ ਦਾ, ਚਲੋ ਕੋਈ ਗੱਲ ਕਰੋ।
ਹਵਾ ਨੂੰ ਸਾਹ ਮਿਲੇ ਸੁੱਖ ਦਾ, ਚਲੋ ਕੋਈ ਗੱਲ ਕਰੋ।

ਟਿਕੀ ਹੋਈ ਰਾਤ ਹੈ, ਸੰਨਾਟਿਆਂ ਦਾ ਸਾਜ਼ ਵੀ ਸੁਰ ਹੈ,
ਬਣਾਈਏ ਗੀਤ ਫਿਰ ਧੁਖ਼ਦਾ, ਚਲੋ ਕੋਈ ਗੱਲ ਕਰੋ।

ਹਨੇਰੀਆਂ ਦਾ ਦੌਰ, ਪੱਤੇ ਸਹਿਕਦੇ ਤੱਕ ਕੇ,
ਕਲ਼ੇਜਾ ਤੜਫਦਾ ਰੁੱਖ ਦਾ, ਚਲੋ ਕੋਈ ਗੱਲ ਕਰੋ।

ਬੜੀ ਉਮੀਦ ਹੈ ਮਾਰੂਥਲਾਂ ਨੂੰ, ਬੋਲ ਬਰਸਣਗੇ,
ਮਿਜ਼ਾਜ ਗਰਮ ਹੈ ਧੁੱਪ ਹੈ, ਚਲੋ ਕੋਈ ਗੱਲ ਕਰੋ।

ਜਦੋਂ ਯੁੱਧ-ਨਾਦ ਗੂੰਜੇਗਾ, ਉਹਦੇ ਵੀ ਬੋਲ ਪਰਤਣਗੇ।
ਅਜੇ ਮਨ ਹੋਰ ਹੈ 'ਸੁੱਖ' ਦਾ, ਚਲੋ ਕੋਈ ਗੱਲ ਕਰੋ।

-- ਸਵਜੀਤ

No comments:

Post a Comment