ਬੱਦਲਾਂ ਦੇ ਖ਼ੱਤ...
ਗ਼ਜ਼ਲ
ਚੱਲਦੇ ਚੱਲਦੇ ਸਿੱਧੇ ਰਾਹੀਂ ਮੋੜ ਬਥੇਰੇ ਆਵਣਗੇ,
ਲੰਘ ਗਏ ਜਾਂ ਰਹਿ‘ਗੇ ਪਿੱਛੇ ਹੋਰ ਬਥੇਰੇ ਆਵਣਗੇ.
ਚਾਨਣ ਦੀ ਮਿਕਦਾਰ ਤੋਂ ਨਾ ਅੰਦਾਜਾ ਲਾਵੀਂ ਸੂਰਜ ਦਾ,
ਪਹੁ ਫ਼ੁੱਟਣ ਤੋਂ ਪਹਿਲਾਂ ਤਾਂ ਘਨਘੋਰ ਹਨੇਰੇ ਆਵਣਗੇ.
ਰਾਗਾਂ ਦੇ ਇਸ ਜੰਗਲ੍ ਵਿੱਚ ਜੇ ਛਾਂਟ ਸਕੇਂ ਤਾਂ ਛਾਂਟ ਲਵੀਂ,
ਪੌਣਾਂ ਦੀ ਝਾਂਜਰ ਨਾਲ ਖਹਿ ਕੇ ਸ਼ੋਰ ਬਥੇਰੇ ਆਵਣਗੇ.
ਕੱਚੇ ਘਰ ਦਾ ਮੋਹ ਨਾ ਰੱਖ ਜੇ ਪਿਆਸ ਬੁਝਾਉਣੀ ਧਰਤੀ ਦੀ,
ਬੱਦਲਾਂ ਦੇ ਖ਼ੱਤ ਬਰਸਣਗੇ ਤਾਂ ਖੋਰ ਬਨੇਰੇ ਆਵਣਗੇ.
ਵਾਂਗ ਪਪੀਹੇ ਕੱਲਰ ਦੇ ਵਿੱਚ ਕੱਲੀ ਕੂਕੇ ਗ਼ਜ਼ਲ ਤੇਰੀ,
ਖੈਰ ਮਨਾਉਂਦੇ ਸਾਵਣ ਦੀ ‘ਸੁੱਖ’ ਮੋਰ ਬਥੇਰੇ ਆਵਣਗੇ.
- ਸਵਜੀਤ
ਚੱਲਦੇ ਚੱਲਦੇ ਸਿੱਧੇ ਰਾਹੀਂ ਮੋੜ ਬਥੇਰੇ ਆਵਣਗੇ,
ਲੰਘ ਗਏ ਜਾਂ ਰਹਿ‘ਗੇ ਪਿੱਛੇ ਹੋਰ ਬਥੇਰੇ ਆਵਣਗੇ.
ਚਾਨਣ ਦੀ ਮਿਕਦਾਰ ਤੋਂ ਨਾ ਅੰਦਾਜਾ ਲਾਵੀਂ ਸੂਰਜ ਦਾ,
ਪਹੁ ਫ਼ੁੱਟਣ ਤੋਂ ਪਹਿਲਾਂ ਤਾਂ ਘਨਘੋਰ ਹਨੇਰੇ ਆਵਣਗੇ.
ਰਾਗਾਂ ਦੇ ਇਸ ਜੰਗਲ੍ ਵਿੱਚ ਜੇ ਛਾਂਟ ਸਕੇਂ ਤਾਂ ਛਾਂਟ ਲਵੀਂ,
ਪੌਣਾਂ ਦੀ ਝਾਂਜਰ ਨਾਲ ਖਹਿ ਕੇ ਸ਼ੋਰ ਬਥੇਰੇ ਆਵਣਗੇ.
ਕੱਚੇ ਘਰ ਦਾ ਮੋਹ ਨਾ ਰੱਖ ਜੇ ਪਿਆਸ ਬੁਝਾਉਣੀ ਧਰਤੀ ਦੀ,
ਬੱਦਲਾਂ ਦੇ ਖ਼ੱਤ ਬਰਸਣਗੇ ਤਾਂ ਖੋਰ ਬਨੇਰੇ ਆਵਣਗੇ.
ਵਾਂਗ ਪਪੀਹੇ ਕੱਲਰ ਦੇ ਵਿੱਚ ਕੱਲੀ ਕੂਕੇ ਗ਼ਜ਼ਲ ਤੇਰੀ,
ਖੈਰ ਮਨਾਉਂਦੇ ਸਾਵਣ ਦੀ ‘ਸੁੱਖ’ ਮੋਰ ਬਥੇਰੇ ਆਵਣਗੇ.
- ਸਵਜੀਤ
No comments:
Post a Comment