ਤੇਰੇ ਦਾਨਿਸ਼ਵਰਾਂ ਦਾ
ਤੇਰੇ ਦਾਨਿਸ਼ਵਰਾਂ ਦਾ ਖਾਸ ਕਰ ਖਿਆਲ ਰੱਖਦੇ ਹਾਂ.
ਜਵਾਬ ਹੋਣ ਜਿਹਨਾਂ ਦੇ ਓਹੀ ਸਵਾਲ ਰੱਖਦੇ ਹਾਂ.
ਮਤੇ ਕੋਈ ਟਹਿਕ ਹੀ ਉੱਠੇ ਟੀਸ ਦੁੱਖਦੀ ਹੋਈ ਰਗ਼ ਦੀ,
ਕਿਸੇ ਦੀ ਨਬਜ਼ ਤੇ ਹੱਥ ਵੀ ਬੜਾ ਸੰਭਾਲ ਰੱਖਦੇ ਹਾਂ.
ਅਸਾਡੇ ਜ਼ਖ਼ਮ ਨੂੰ ਕਾਰੀਗਰੀ ਆਪਣੀ ਕਿਹਾ ਉਸਨੇ,
ਇਸੇ ਲਈ ਆਪਣੇ ਹੱਥਾਂ ‘ਚ ਅੱਜ-ਕੱਲ ਢਾਲ੍ ਰੱਖਦੇ ਹਾਂ.
ਸਫ਼ਰ ਮੁਸ਼ਕਿਲ ਬੜਾ ਹੈ ਸਿਰਫ਼ ਕਵਿਤਾ ਨਾਲ ਸਰਨਾ ਨਈਂ,
ਰਲ਼ਾ ਕੇ ਵਿੱਚ ਦਵਾਤਾਂ ਦੇ ਦਵਾਈ ਨਾਲ ਰੱਖਦੇ ਹਾਂ.
ਬੜੀ ਹੀ ਖੂਬਸੂਰਤ ਸੀ ਸੁਨਿਹਰੀ ਰੌਸ਼ਨੀ ਉਸਦੀ,
ਹਨੇਰੀ ਰਾਤ ਵਿੱਚ ਸੁਪਨਾ ਸੁਬ੍ਹਾ ਦਾ ਬਾਲ੍ ਰੱਖਦੇ ਹਾਂ.
- ਸਵਜੀਤ
No comments:
Post a Comment