ਤੇਰੇ ਹੱਥਾਂ ਨੇ ਇਹ ਦੁਨੀਆਂ ਬਣਾਈ
ਦੁਨੀਆਂ ਵਸਾਉਣ ਵਾਲਿਆ
ਤੇਰੀ ਕਿਹੜੇ ਖਾਤੇ ਜਾਂਦੀ ਐ ਕਮਾਈ
ਦੁਨੀਆਂ ਵਸਾਉਣ ਵਾਲਿਆ।
ਲੋਹੇ ਦੇ ਔਜ਼ਾਰਾਂ ਵਾਂਗੂ ਮੰਡੀਆਂ 'ਚ ਵਿਕਦੈਂ,
ਰਹੀ ਅੱਟਣਾਂ' ਚੋਂ ਰਿਸਦੀ ਖੁਦਾਈ।
ਦੁਨੀਆਂ ਵਸਾਉਣ ਵਾਲਿਆ।
ਤੇਰੀ ਕਿਹੜੇ ਖਾਤੇ ਜਾਂਦੀ ਐ ਕਮਾਈ...
ਬਹਿ ਕੇ ਏ. ਸੀ ਰੂਮਾਂ ਵਿੱਚ ਮਾਰਦੇ ਨਾ ਗੱਲਾਂ ਦੇਖ,
ਮਾਰੀਆਂ ਤੂੰ ਜਿਹੜੀਆਂ ਅਤੀਤ ਵਿੱਚ ਮੱਲਾਂ ਦੇਖ,
ਕਿਵੇਂ ਦਿਨਾਂ ਵਿੱਚ ਧਰਤੀ ਹਿਲਾਈ।
ਦੁਨੀਆਂ ਵਸਾਉਣ ਵਾਲਿਆ...
ਮੁੱਠੀ ਬੰਦ ਏਕਤਾ ਹੀ ਇੱਕੋ ਹਥਿਆਰ ਵੇ,
ਧਰਮਾਂ ਤੇ ਜਾਤਾਂ ਨਾ' ਕੀ ਤੇਰਾ ਸਾਰੋਕਾਰ ਵੇ,
ਤੇਰੀ ਧਨ ਦੇ ਅੰਬਾਰਾਂ ਨਾ' ਲੜਾਈ।
ਦੁਨੀਆਂ ਵਸਾਉਣ ਵਾਲਿਆ...
ਜਿੱਥੇ ਕਿਤੇ ਨਕਸ਼ੇ 'ਤੇ ਲਹੂ ਤੇਰਾ ਡੁੱਲਿਆ,
ਲਹੂ ਵਿੱਚੋਂ ਸੁਪਨਾ ਫਰੇਰਾ ਬਣ ਝੁੱਲਿਆ,
ਰਾਤਾਂ 'ਨੇਰੀਆਂ 'ਚ ਜਾਵੇ ਲਹਿਰਾਈ।
ਦੁਨੀਆਂ ਵਸਾਉਣ ਵਾਲਿਆ...
ਅੰਤ ਇਤਿਹਾਸ ਦਾ ਨਾ ਹੋਇਆ ਨਾ ਹੀ ਹੋਣਾ ਏਂ,
ਤੇਰੀ ਇਹ ਗੁਲਾਮੀ ਬਾਝੋਂ ਦੱਸ ਕੀ ਜੋ ਖੋਣਾ ਏਂ?
ਸਾਰੇ ਦੁੱਖਾਂ ਦੀ ਤੂੰ ਆਪ ਹੈਂ ਦਵਾਈ।
ਦੁਨੀਆਂ ਵਸਾਉਣ ਵਾਲਿਆ...
ਤੇਰੀ ਕਿਹੜੇ ਖਾਤੇ ਜਾਂਦੀ ਐ ਕਮਾਈ...
- ਸਵਜੀਤ
No comments:
Post a Comment